þriðjudagur, janúar 10, 2012

Kvöldmatur

Alsæl dóttir mín sagðist hafa fengið rjóma í kvöldmatinn í gær. Ég hló og trúði henni mátulega enda veit ég að eiginmaðurinn er fullfær um að næra börnin þótt ég bregði mér af bæ. Við nánari eftirgrennslan kom í ljós að kvöldmáltíðin samanstóð af soðnu pasta með tómatsósu og súkkulaðibúðingi með rjóma. Þetta þótti víst hin besta veisla.

föstudagur, janúar 06, 2012

Fyrir fimm árum...


"Klukkan 13:15 fæddist drengur með rauðleitt hár, hann er 51 cm og 3740 gr og hefur hlotið nafnið Emil. Þetta gekk ljómandi vel en ég skal segja ykkur betur frá síðar, nú má ég til með að leggja mig þar sem ég hef ekki sofið í rúman sólarhring.

Sjáumst."

Meðfylgjandi mynd var tekin á aðfangadagskvöld, af einhverjum ástæðum náðist engin mynd af gleraugunum um jól eða áramót. Sem er spes þar sem hann vill helst sofna með þau á nefinu.

fimmtudagur, janúar 05, 2012

Fýlupúkinn

Íslenskt samfélag er óstjórnlega leiðinlegt þessi misserin. Það er magnað (eða hitt þó) að fylgjast með fréttamiðlum og athugasemdadálkum þeirra því fólk hikar ekki við að segja það sem því sýnist um hvern sem er, satt eða logið og helst ekkert fallegt. Miðað við þetta lítur út fyrir að það séu eintómir eiginhagsmunaseggir, fávitar og karlrembur (af báðum kynjum) sem byggja landið. Venjulegt fólk missir pínulítið vit við hvern lestur og verður á endanum samdauna. Held að okkur sé ekki við bjargandi. Ógeðslega leiðinlegt Ísland. Djöfull nenni ég þessu ekki.

þriðjudagur, október 11, 2011

Vá!

Næstum því ár síðan síðast. Þetta er nú eiginlega bara tilraun til að sjá hvort ég kunni ennþá lykilorðið.

Ef einhver villist hér inn og hefur áhuga þá búum við enn í Þorpi Satans, börnin eru orðin þrjú og leikfélagið er ennþá mitt helsta áhugamál.
Núna eru kallar að múra húsið mitt að utan, þeir ætluðu að koma 20. ágúst en eru að byrja í dag. Gaman aððessu.
Ég ætla að hendast í sturtu.

mánudagur, nóvember 08, 2010

Einu sinni bloggaði ég daglega

Nú er liðið rúmlega ár síðan síðast. Ég hef samt ekki í mér að loka síðunni og hætta formlega. Svona er ég nú íhaldsöm.

laugardagur, ágúst 29, 2009

Blogg

Mátti til með að ganga úr skugga um að ég myndi enn lykilorðið mitt. Merkilegt nokk hefur meðgönguþokan ekki enn étið það úr hausnum á mér.

þriðjudagur, apríl 14, 2009

Vindhögg

Ég datt inn á bloggsíðu Ástþórs Magnússonar. Hvers vegna í ósköpunum eyðir hann öllu þessu púðri í að ráðast á Borgarahreyfinguna en víkur varla orði að þeim flokkum sem hér hafa verið við völd? Að vísu las ég ekki nema þrjár færslur en þar er ekki minnst á skandala fyrri stjórna. Merkilegur andskoti.

þriðjudagur, febrúar 10, 2009

Ég skil ekki alveg

Af hverjur er Ólafur að tjá sig um málefni einstakra banka? Er hann það vel tengdur inn í bankana að hann geti talað um þeirra mál?

Þurfum við ekki nýjan forseta?

mánudagur, febrúar 09, 2009

Til að fyrirbyggja misskilning

vil ég koma því á framfæri að ég óska þess að allir lifi vel og lengi.

sunnudagur, febrúar 08, 2009

Staðsetning

Það er til staður í helvíti fyrir Davíð Oddsson.
 
eXTReMe Tracker